Strippbúlla
Strippklúbbur
Nektardansstaður
Erótískur listdansstaður
Brjóstabúlla
Næturklúbbur
Skemmtistaður
Bar
Herramannaklúbbur
Go-Go bar

Allt eru þetta orð sem mætti nota til að lýsa nektardansstaðnum Vegas. Hvaða orð velur fréttastofa Stöðvar 2 að taka sér í mun?

Afþreyingarstaður.

Yndislegur þessi pólitískt réttláti ótti við orð.

Bill Hicks. Hvar ertu þegar við þörfnumst þín?

Mér er sama hvert ég þarf að fljúga og hversu mikið ég þarf að borga. I’M SO FUCKING THERE

Ég áttaði mig í dag á því hversu einstaklega gott samband ég á við móður mína. Ekki það að ég hafi ekki gert mér grein fyrir því áður en í dag var held ég að að hafi fyllilega runnið upp fyrir mér ljós í þessu máli. Ég var nefninlega aldrei þessu vant vakandi þegar hún vaknaði til að halda til vinnu og hún hefur þá venju að gefa sér tíma í að drekka kaffið sitt og jafnvel horfa aðeins á Ísland í Bítið (*hóst*Beverly Hills*hóst*) og þar sem ég hafði verið á fullu að vinna í morgun þegar hún kom fram þá ákvað ég að tylla mér hjá henni og fá mér kaffipásu.

Við sátum og spjölluðum og gleymdum tímanum alveg. Ég stóð mig meira að segja að því að hugsa með mér að bráðum þyrfti hún að fara að vinna og þá væri samtalinu lokið. Mér fannst það leiðinlegt. Við móðir mín höfum þurft að ganga í gegnum margt saman undanfarin ár og er það ein af meginstoðum sjálfstraust míns að við höfum alltaf þraukað og komið sterkari til baka og ef það hefur komið eitthvað uppá þá höfum við bara reddað því. Við höfum alltaf verið náin mæðgin en ég held að erfiðleikar undanfarinna ára hafi gert það að verkum að í dag erum við hreinræktaðir vinir. Hún skammar mig samt ennþá fyrir sóðaskapinn í mér.

I don’t like it…

Þetta kallar maður tímasetningu. Í fyrradag klippti ég hárið á mér stutt og fyrr í dag ákvað ég að byrja á sólóplötu og vinna í henni út árið.

Af hverju er þetta undarleg tímasetning? Af því í kvöld var ákveðið að hljómsveitin Pan myndi hætta störfum. Allir meðlimir voru sammála að þetta væri ekki eitthvað sem við vildum en að þetta væri óhjákvæmilegt þar sem samstarfið hefur ekki gengið upp undanfarið.

Þetta eru að sjálfsögðu leiðinleg tíðindi, bæði fyrir okkur sem og þá sem höfðu gaman af hljómsveitinni en í staðinn fyrir að hjakka í sama farinu sem leiddi okkur ekki saman sem hljómsveit þá er betra að hver fái að gera sitt hver í sínu lagi. Að sjálfsögðu þýðir þetta ekki endi á tónlistarsamstarfi okkar en Pan sem hljómsveit er liðin tíð.

Dagsetning reunion túrsins var ákveðin afmælisdagur okkar 29. október 2079.

Ég er ekki búinn að blogga lengi þó mig hafi langað til þess oft. Vandinn er að þegar ég fæ þörfina þá er ég ekki fyrir framan tölvuna og þegar ég er fyrir framan tölvuna þá man ég ekki hvað mig langaði til að blogga um. Þannig ég ákvað bara að byrja núna og hafa ekki hugmynd hvað ég ætlaði að segja. En það verður samt geðveikt merkilegt.

Málið er að ég nenni ekki að hafa bloggið mitt sem eitthvað nöldur eða röfl og þessa dagana er ég blessunarlega duglegur við að framkvæma frekar en að tala um hlutina þannig ég hef ekki heldur verið í stuði til að auglýsa það sem ég er að gera á kostnað tímans sem ég nota til framkvæmda. Svo virðist ég líka bara vera gleyminn. En gleymið þessari athugasemd því ég ætla bara að tala um eitthvað núna.

Til að byrja með þá skil ég ekki tölvuþjónustur. Mér líður svolítið eins og ég hafi verið fjárkúgaður. Flakkarinn minn, sem innihélt þónokkrar upplýsingar sem ég þarf á að halda fyrir skólann, ákvað að deyja og þar sem hann var í ábyrgð fór ég með hann á verkstæði Tölvulistans, en það væri ekki fyrsti kostur hjá mér að öllu jöfnu. Biðin eftir afgreiðslu hjá þeim er svakaleg og hafði einn karlinn sem var að bíða ásamt mér að hjá þeim liti maður ekki á klukkuna heldur dagatalið.

Eftir að flakkarinn fór í gegnum meðferð hjá þeim þá fékk ég símtal frá verkstæðinu þar sem þeir tjáðu mér að það þyrfti að skipta út einhverju stykki sem þeir ættu ekki til og þyrftu að panta. Gæti tekið langan tíma. Ég var ekki alveg hress með þetta því flakkarinn er skólatæki hjá mér og sagði hann þá að ef biðin væri löng þá gæti ég bara fengið nýjan. Ég auðvitað hváði og spurði um gögnin. Kom hann þá með þessa gullnu setningu: “já, vildirðu reyna að bjarga gögnunum?” Ég sagði náttúrulega “já!”. Hér komum við að fjárkúguninni. Þeir rukka 3.600 kr fyrir gagnabjörgun. Ég auðvitað sagði já og amen því þar sem ég þurfti á þessu að halda en hvað gerist svo? Ég fæ sms í dag þar sem mér er tilkynnt að flakkarinn minn sé tilbúinn.

Er það bara ég eða var ég tekinn í görnina? Á það ekki bara að vera sjálfsagt að tölvuverkstæði leggji áherslu á að bjarga gögnum ef hægt er? Á ég að þurfa að taka það fram? Og ef það er svaka mál eiga þeir þá ekki að nefna það þegar þeir svo hringja en ekki láta það slysast inn í umræðuna? Ég á eftir að sækja flakkarann og ég ætla að nöldra. En ekki fyrr en ég bíð í einn og hálfan tíma eftir afgreiðslu. Það munu vera þrír á undan mér í röðinni.

Ég er kominn með hliðarprójekt í bloggheiminum. Ég á að blogga einu sinni í viku sem verkefni í skólanum og ákvað ég að búa mér til verkefni kringum bloggið. Ég ætla mér að byrja framleiðslu á stuttmyndum og verður þessi síða staður til að fylgjast með því ferli og um leið aðhald fyrir mig þar sem kennarinn lagði áherslu á að ef hann leyfði mér að blogga um þetta málefni þá yrði að vera einhver framvinda í málinu. Já, sorry Stjáni, en ég gat ekki notað tillögur þínar einmitt af því að það var skilyrði að málefnið hefði framvindu sem hægt væri að fylgjast með yfir veturinn.

Allir að fylgjast með hér!

Hellú…

Sem hluti af vefsíðugerðaráfanga mínum þá á ég að stofna nýtt blogg og skrifa um eitthvað sem hægt væri að uppfæra alla vega einu sinni í viku. Ég er með nokkrar hugmyndir sjálfur en engar sem ég er rosalega hrifinn af þannig ef einhver hefur eitthvað í pokahorninu þá væri gaman að heyra það. Ef þið viljið svo fylgjast með þá er slóðin http://dojopan.wordpress.com